Krimi që tronditi Greqinë/ Flet e dashura e fshehtë e Babis: Kërkoi takim dy javë para se të vriste Caroline

23/10/2021 10:59

Detaje të reja dalin në dritë nga krimi në “Glyka Nera” që tronditi Greqinë, ku 33-vjeçari Babis Anagnostopoulos, ekzekutoi gruan e tij Caroline Crouch dhe u mundua ta fshihte ngjarjen si grabitje.

Mediat e huaja shkruajnë se, dy javë para se të vriste gruan e tij, Caroline, Babis Anagnostopoulos i ka dërguar një shënim ish-të dashurës së tij ku i kërkonte ta takonte nga afër.

Ajo ka rrëfyer se me Babis ka nisur lidhje në vitin 2015 dhe ka përfunduar në 2016. Gruaja, e cila pas vrasjes në Glyka Nera vendosi të largohej nga Athina dhe të transferohej në një qytet tjetër në Greqi, foli për një njeri obsesiv dhe pretendon se ai bëri gjithçka për t’u ndarë nga burri i saj.

“Me Babis ka pasur vërtet një lidhje e cila ka qenë e vitit 2015 dhe ka përfunduar në qershor të 2016. Ai ishte shumë i inatosur me mua sepse mendonte se do t’i jepja fund martesës për të qenë bashkë. Nuk e kisha menduar kurrë ta bëja këtë…nga mënyra se si ai më afrohej me këmbënguljen e tij.Nga mesazhe të ndryshme duket se ai po përpiqej të më shihte. Të gjitha këto shënime të shkruara me dorë, por edhe faqe që ka shkruar i kam mbajtur në kompjuter. Dikush po i shkruante burrit tim për këtë marrëdhënie. Jam i sigurt se Babis i ka dërguar në përpjekje për të më ndarë,” thekson ajo.

Gruaja tha se i kishte bërë presion që ta takonte nga afër së fundmi para vrasjes:

“Në gjashtë muajt e fundit, shënimet kishin filluar sërish. Ai kishte një obsesion që më trembte dhe përpiqesha të kisha një marrëdhënie të mirë me të nga larg për të mos inatosur. Ai kishte dërguar shënimin e fundit dy javë para se të vriste gruan e tij dhe kërkoi të takohej me mua. E di që Caroline i ka ditur të gjitha këto për një kohë të gjatë. Më tha vetë Babis.Kur vuri skenën vite më parë për të më bërë të ndahesha, kuptova se nuk po shkonte mirë dhe se nuk kishte kufij. Atëherë e kuptova, por deri në atë pikë sa të bënte vrasje?”.

FOTO GALERI
1/10

Top Channel