Mediat: Soros paguan studentët radikalë për të nxitur urrejtje në protestat pro dhe kundër Palestinës në SHBA (fotot)
27/04 21:53
Shtetet e Bashkuara i kanë ofruar Turqisë një flotë avionësh luftarakë F-16, sipas Presidentit Rexhep Tajip Erdogan, duke zhbllokuar kështu potencialisht një konflikt mes dy aleatëve të NATO-s mbi porosinë e bllokut të F-35-ve.
Oferta po bëhet me qëllim rimbursimin e Turqisë për pagesën prej 1.4 miliardë dollarësh që ajo ka bërë prej kohësh për F35-sat e anuluar, deklaroi Erdogan i cituar nga Bloomberg.
Ky veprim vjen pas një kërkese zyrtare drejtuar Shteteve të Bashkuara nga Ankaraja muajin e kaluar për të blerë 40 avionë të rinj F-16 Block 70 nga Lockheed Martin Corp, si dhe 80 komplete për të modernizuar luftëtarët e saj ekzistues, thanë dy zyrtarë turq të njohur me çështjen javën e kaluar.
SHBA e bllokoi blerjen e F-35 për shkak të vendimit të Turqisë për të marrë sistemet e mbrojtjes ajrore S-400 nga Rusia. Turqia dëshiron ta zgjidhë problemin me SHBA përmes dialogut dhe “po punon për rimbursimin e pagesës së F-35”, tha Erdogan.
Një zëdhënës i Departamentit të Shtetit nuk pranoi të komentojë, duke cituar sekretin e politikës së departamentit për shitjet ose transferimet e mbrojtjes që nuk janë njoftuar zyrtarisht në Kongres.
Shtëpia e Bardhë ende nuk ka bërë ndonjë koment. Uashingtoni thotë se radari i përparuar i raketave S 400 përbën një kërcënim për sistemet e mbrojtjes së NATO-s dhe bën thirrje për heqjen e tij.
Por Ankaraja nuk ka dhënë shenja të qarta tërheqjeje nga blerja e tij dhe në 30 shtator, Erdogan u takua me Putin për të diskutuar shtrirjen e bashkëpunimit në fushën e mbrojtjes.
Top Channel
