Polonia i kërkon BE-së të kufizojë fluksin e grurit ukrainas 29/03 22:23
Protestuesit kundër vaksinës u përleshën me policinë rrugëve të Romës, teksa shtypi vendas flet për një lloj lufte guerile urbane të të ashtëquajturve No Vax.
12 persona përfunduan në pranga, mes tyre edhe drejtuesit e Forza Nuova, Roberto Fiore e Giuliano Castellino. Policia italiane përdori pompa uji e gaz lotsjellës për të shpërndarë turmat, që përfshinin edhe aktivistë neo-fashistë, e që protestonin kundër lëvizjes së qeverisë për ta bërë “Green Pass-in e “Covidit të detyrueshëm për të gjithë punonjësit.
Një grup protestuesish tentuan të çanin kordonët e policisë e t`i drejtoheshin zyrës së kryeminitrit Mario Draghi, ndërsa një tjetër u kthye tek selia e bashkimit më të madh të sindikatave në vend, CGIL. Situata u përshkallëzua shumë shpejt.
Protestat erdhën pak ditë përpara se Italia të bëhet zyrtarisht vendi i parë në Europë që i detyron të gjithë punonjësit të pajisen me Green Pass, në përpjekje për të përshpejtuar fushatën e vaksinimeve e për të frenuar përhapjen e pandemisë.
Top Channel
