Seanca rekord përpara pushimeve të verës/ PS miraton 24 projektligje, opozitës i rrjedhin votat 27/07 00:50
Nga salla e kuvendit, kryedemokrati Lulzim Basha bëri përgjegjës kryeministrin Rama dhe politikat e ndejkiura prej tij për rritjen e çmimeve të produkteve të konsumit në vend.
“Përtej llogarive politike, ndodhen njerëzit me hallet e tyre të vërteta, në përpjekjet e tyre për të çuar bukën te fëmijët. Për t’i çuar në shkollë me një palë këpucë, çantë e librat. Me një palë fatura që rriten e bëhen kapicë, me pasigurinë që ofron ky pushtet. Këtë e konfirmon dhe INSTAT, që thotë se 90% e familjeve shqiptare nuk sigurojnë të ardhurat për mirëqenien e fëmijëve”.
Basha listoi sërish sugjerimet e së djathtës se si mund të zgjidhet kriza ekonomike në vend:
- Heqja e taksës Rama prej 240 lekë për litër karburanti;
- Ulja e TSH-së nga 20% në 6% për ushqimet, ashtu siç kemi kërkuar prej javës së parë në kuvendin e Shqipërisë;
- Faturimi me çmime dhe sasinë reale të konsumit të oligarkëve të cilët favorizohen në kurriz të konsumatorëve;
- Subvencionim i çmimit të energjisë për qytetarët;
- Mirëmenanxhim dhe ndalje e shpenzimeve të shfrenuara, luksoze të OSHEE dhe KESH, që janë kthyer në zhvatës të parave të shqiptarëve.
- Ristrukturim të buxhetit për tu përballur me një krizë që nuk mund të ndalet me propagandë dhe fjalime.
- Më shumë para për shtresat në nevojë dhe ristrukturim të ekonomisë aktuale, e cila për shkak të politikave të kësaj qeverie është e varur nga paraja e pisët dhe monopolet e oligarkëve.
Sipas Bashës, nuk ka asnjë mundësi që qeveria “Rama 3” të bëjë ndryshimin tani: “Nuk presim t’i bëni tani, sidomos duke parë mjerimin te qytetarë, duke shtypur shtresën e mesme dhe duke i dhënë faqi krimit dhe oligarkëve”.
Top Channel
