“Nëse vdes, e ka bërë gruaja ime”/ Del SMS-ja e viktimës, rihapet çështja

23/09/2021 14:18

Një ditë para se të vdiste, i dërgoi të dashurës një mesazh: “Nëse nesër më gjejnë të vdekur, e ka bërë gruaja ime- thirr policinë”.

Ky tekst i nisur të dashurës së 50 vjeçarit nga Puglia e ka bindur më në fund policinë të rihapë çështjen dhe tashmë të hetojë për vrasje, shkruan La Reppublicca.

Trupi i pajetë i të ndjerit është zhvarrosur dhe pas verifikimeve të imtësishme, u vunë re gjurmë që tregojnë se ai mund të jetë mbytur.

Burri vuante nga një tumor në fyt dhe i ishte nënshtruar disa ndërhyrjeve kirurgjikale.

Pas marrjes së SMS-së, e dashura e tij shkoi menjëherë tek karabinierët që e vendosën bashkëshorten e burrit në regjistrin e personave që mund të përfundojnë nën hetim, por nuk morën masa ndaj saj. Episodi ishte mbyllur atëherë si “vdekje natyrale”, por hetimet mund të nxjerrin në dritë diçka tjetër.

Top Channel