Qarkullonin më armë dhe lëndë narkotike në makinë, në pranga dy të rinjtë në Tiranë, njëri prej tyre me precedent të mëparshëm për plagosje 05/12 09:18
Kancelari austriak, Sebastian Kurz, ka mbledhur në Vjenë në një samit të kryesuar prej tij krerë të Ballkanit Perëndimor. Kosova përfaqësohet atje nga kryeministri Albin Kurti, Shqipëria nga ministrja e Infrastrukturës dhe Energjetikës, Belinda Balluku, Serbia nga kryeministrja Ana Bërnabiç, Bosnja nga kryesuesi i Këshillit të Ministrave, Zoran Tegeltija, Maqedonia e Veriut nga kryeministri Zoran Zaev dhe Mali i Zi nga kryeministri Zdravko Krivokapic.
Në samit mori pjesë edhe përfaqësuesi i posaçëm i Bashkimit Europian për dialogun mes Kosovës dhe Serbisë, Mirosllav Lajçak. Nga sa pohoi vetë shefi i ekzekutivit austriak, në samit do të garantohen vendet e rajonit se do të kenë mbështetje të plotë për reformat në rrugën drejt BE-së si dhe për luftën kundër pandemisë së koronavirusit.
Ndërsa përfaqësuesja e Shqipërisë në këtë samit, ministrja Balluku tregoi për “Top Channel” se secili shprehu gjithçka që quhet shqetësim dhe prioritet për vendin e tij. “Në rastin e Shqipërisë ne siguruam komisionerin Lajçak se Shqipëria do vazhdojë rrugën e reformave të thella që janë edhe një nga detyrat e shtëpisë nga Bashkimi Europian”, tha Balluku. Balluku thotë se u kërkua mbështetja e Unionit duke marrë edhe shembullin e Austrisë që është angazhuar për të ndihmuar vendet e Ballkanit.
Gren Axhenda dhe plani i investimeve që janë miratuar dhe janë aty për t’u zbatuar janë të rëndësishme për sa i përket ndërlidhjes mes rajonit me projektet kros border në të ardhmen. U fol për lëvizjen e lirë edhe vështirësitë që kanë ardhur nga covid. Tashmë Shqipëria është në listën e vendeve me numër të ulët. Ministrja e Infrastrukturës theksoi rëndësinë e njohjes së certifikatës së të vaksinuarve që është e rëndësishme tashmë.
Kemi theksuar faktin thotë Balluku që bashkëpunimi rajonal nuk do ishte i frytshëm nëse Bashkimi Europian nuk do ndihmonte Ballkanin Perëndimor mes kredive dhe granteve. Në samit edhe shtetet e tjera shprehën shqetësimet e tyre si është rasti i Maqedonisë së Veriut që po përballet me veton Bullgare.
Top Channel
