Përfundon seanca në Gjykatën e Lartë lidhur me pretendimet e ish Presidentit Trump për imunitet absolut 25/04 21:57
Në ka moment më të mirë për të shitur shtëpinë, është tani thotë CNN.
Në këtë treg të çmendur në SHBA, ku kërkesa në rritje po i shtyn çmimet e shtëpive drejt majash të pacikura më parë, punonjësja e një agjensie pronash të patundshme, Mimi Foster vendosi të bënte një provë e të nxirrte në shitje një shtëpi të tmerrshme, të cilën e quan ndryshe “shtëpia nga ferri” dhe i vendosi një çmim të pabesueshëm: 590 mijë dollarë.
Ndonëse nga jashtë godina duket në rregull, brenda është një tmerr: me dyer të shqyera, e neglizhuar prej vitesh, jashtëqitje kafshësh dhe një erë kutërbuese. “Erën e saj që të shpon hundët, mund ta ndjesh që jashtë”, shprehet Foster, e cila nuk gënjeu aspak kur bëri përshkrimin e shtëpisë edhe në listimin për shitje.
“Nëse ëndërroni të zotëroni një pjesë të vogël ferri mbi tokë dhe ta ktheni në një parajsë, mos kërkoni banesë tjetër”, shkroi ajo. Foster u habit dhe vetë kur pa lumin e kërkesave që i mbërritën, edhe pse godina është në gjendje të mjerueshme, e dëshmuar kjo dhe nga fotot.
Top Channel
