Parashqevi Simaku i dedikon këngë Elton Ilirianit, biznesmeni: E vetmja dhuratë që mund të pranoj! 23/12 13:09
Harku i Darvinit, formacioni i rrallë shkëmbor në juglindje të ishullit të Darvinit në arqipelagun e Galápagos, është shembur prej erozionit natyral, ka njoftuar sot ministria e mjedisit të Ekuadorit.
Imazhet nga faqja zyrtare e ministrisë tregonin vetëm dy shtyllat shkëmbore të mbetura në ishullin më verior të arqipelagut të oqeanit Paqësor, i cili shtrihet rreth 1,000km larg brigjeve të Amerikës Jugore.
Në postim thuhej: “Ky ishte një event si rezultat i erozionit natyral. Harku i Darvinit ishte pjesë e shkëmbit natyral që dikur ishte pjesë e ishullit të Darvinit. Vendi konsiderohet si një nga pikat më të mira në planet për zhytjet turistike, ku shikohen tufat e peshkaqenëve e specieve të tjera.”
Formacioni kishte marrë emrin e shkencëtarit britanik Charles Darwin, i cili ka vizituar ishujt prej vitit 1835 dhe besohet se ka krijuar aty teorinë e tij të evolucionit pas studimit të zogjve të Galápagos.
Ishujt Galápagos janë pjesë e trashëgimisë botërore të Unesco që prej vitit 1978, teksa flora e fauna është unike dhe pjesë rezervës së biosferës.
Në arqipelag jetojnë rreth 30,000 njerëz, të shpërndarë në katër ishuj të banuar.
Top Channel
