Mesazhi i ambasadori të BE-së për komisionin “Xhafaj”: Fokusohuni te anti-korrupsioni e mirëqeverisja, mos prekni mandatin e institucioneve të drejtësisë
03/10 14:07
Kryeministri Edi Rama teksa ka prezantuar kandidatë për deputetë në qarkun e Shkodrës, por nuk ka kursyer kritikat për kryetaren e Bashkisë së Shkodrës, Voltana Ademit. Ai e cilësoi atë si një person të paaftë dhe bllokues për çdo investim që ka dashur të bëjë qeveria.
Sipas tij bashkia kishte kryer në një mur bllokues, shurdh dhe qorr që nuk lejonte që investimet të ecnin në këtë zonë:
“Këtu jemi përplasur me murin qorr dhe shurdh të qeverisë vendore të Shkodrës. Kemi reflektuar seriozisht mbi nevojën dhe ambicien të shkodranëve dhe u kemi paraqitur një zgjedhje që është më e mira që kanë pasur ndonjëherë me figura të reja që vijnë nga ky komunitete dhe me figura me eksperiencë që kanë dhënë kontribute të çmuara në komunitetet e tyre qoftë në Malësinë e Madhe, në Pukë apo në bashkinë e Vaut të Dejës. Sot të gjithë ata që prej shumë vitesh ishin nën thundrën e një pushteti vendosur të korruptuar dhe krejtësisht pa lidhje me aspiratat e tyre, po e shohin vetë atë që po ndryshon hap pas hapi. Asgjë nuk është perfekt, por rruga e ndryshimit është hapur edhe aty. Jam i keqardhur sepse ka një të vërtetë të pamohueshme në shprehjen pakënaqësinë së njerëzve nga bashkia Shkodrës në raport me mua dhe qeverisë sot si pasojë e një kontrasti që bëhet gjithnjë e më e thellë mes Shkodrës dhe Vlorës apo Korçës dhe shumë qendrave të tjera urbane. Jam i keqardhur që s’kemi bërë më shumë, por jo se nuk kemi dashur. Kemi dashur dhe kjo numërohet lehtësisht në punët qe kemi bërë përtej murit dhe bllokimit që ka bërë bashkia e Shkodrës dhe personit absurd që e drejton atë”, tha Rama.
Rama foli edhe për stadiumin e Shkodrës duke theksuar se është skandalizuar nga gjendja e saj:
“U skandalizova nga stadiumi i Shkodrës, krejt pjesa e mureve të jashtme, gardhet e sigurisë, mjedisi pisllëk, e nuk kishte si të ndodhte ndryshe. Së bashku me FSHF kërkuam që stadiumit që mos menaxhohej nga bashkia duke e ditur paaftësinë dhe paditurën therëse të personit që drejton bashkinë Shkodër, refuzuan dhe sot pamjet falsin vetë”, tha Rama.
Top Channel
