Zbardhet takimi i Rutte me Trump: Diskutuan sfidat e sigurisë globale me të cilat përballet aleanca 23/11 14:13
Një nga momentet më prekëse ditën e sotme ishte kur një ushtar amerikan nderoi varrin e djalit të presidentit të ri të SHBA-së Joe Biden gjatë vizitës tek Varrezat Kombëtare të Arlingtonit.
Ai është gjunjëzuar pranë varrit të birit të presidentit, më të madhit nga dy djemtë e tij , Beau Biden, i cili shërbeu një turne një vjeçar në Irak në 2008 si kapiten në Gardën Kombëtare të Delaware.
Ai vazhdoi karrierën më tej si Prokurori i Përgjithshëm i Delaware dhe u rrit në politikën amerikane para vdekjes së tij nga kanceri i trurit në moshën 46-vjeçare në 2015.
Si fëmijë, Beau i mbijetoi një aksidenti me makinë gjatë të cilit humbën jetën nëna e tij Neilia dhe motra e tij e vogël Naomi në vitin 1972. Kur Biden u bashkua për herë të parë në Senat në 1973, ai bëri betimin e tij për zyrën pranë shtratit të spitalit të djalit të tij.
Para kamerave, Biden u tha djemve se do të hiqte dorë nëse nuk do të kishte ndonjë “konflikt midis të qenit një baba i mirë dhe një senator i mirë. Ne gjithmonë mund të kemi një senator tjetër, por ata nuk mund të kenë një baba tjetër.”
Top Channel
