Fotot/ Rama inspekton Qendrën Multifunksionale për Zhvillim Rajonal dhe aeroportin e Vlorës: Shtysë e re për turizmin
28/11 15:12
E gjithë unaza e brendshme rrethuese e stadiumit Air Albania do të përdoret për vaksinimin kundra Covid-19.
Ministrja e Shëndetësisë, Ogerta Manastirliu shpjegoi me detaje të gjithë hapat që do të ndiqen.
“Janë marrë masat për të gjithë elementët e sigurisë. Do të kemi skuadrat e vaksinatorëve, të mjekëve si dhe të koordinatorëve që do të lehtësojnë këtë proces. Do të kemi ekipet e urgjencës për çdo eventualitet të cilët do të vendosen në postacione të përcaktuara, qoftë jashtë “Arenës”, qoftë në ambientet e vetë stadiumit. Aktualisht janë vendosur dhe po vijojnë të vendosen postacionet. Janë rreth 20 postacione deri tani. Por në fakt në tërësinë e unazës të gjithë “Arenës” do të jenë 60 postacione për vaksinimin. Planifikojmë që çdo një orë të vaksinohen 60, ndoshta diçka më shumë qytetarë. Dhe do të vijojmë kështu 8-10 orë në ditë. Sigurisht që vaksinat e para që do të vijnë i dedikohen sipas planit tonë të vaksinimit grupeve të riskut”.
Kryeministri Edi Rama u shpreh shpresëplotë se vaksinimi mund të nisë përpara javës së tretë të janarit.
“Fillojmë javën e tretë të janarit, shpresojmë edhe më shpejt. Jemi në një fazë realisht shumë positive. Kemi siguruar 500.000 dhe një trend për planin e kalendarizuar. Do mbështesim edhe Infektivin në Prishtinë”.
Top Channel
