Rritja e infektimeve! Johnson, plan për izolim njëmujor

31/10/2020 15:51

Kryeministri britanik, Boris Johnson po merr në konsideratë mundësinë e shpalljes së një izolimi njëmujor në të gjithë Anglinë, me shpresën se masat mund të zbuten para Krishtlindjes.

Një urdhër i ri për qëndrim në shtëpi mund të shpallet të hënën, me shkollat, kolegjet dhe universitetet që do të përjashtohet. Dokumentat e para nga BBC sugjerojnë se Britania e Madhe po ecën drejt një bilanci akoma më të rëndë krahasuar me valën e parë nëse kufizime të reja nuk hyjnë në fuqi.

Viktimat mund të shkojnë deri në 4 mijë në ditë, sugjeron një nga modelet nëse nuk do të ketë ndryshim politikash me qëllim që të ndalohet përhapja e sëmundjes. Në kulmin e pandemisë, gjatë pranverës, Britania e Madhe arriti të regjistronte mbi 1 mijë viktima në ditë. Asnjë vendim përfundimtar nuk është marrë ende dhe jo të gjithë anëtarët e kabinetit janë konsultuar për hapat e ardhshëm. Por duket se Johnson ka gjasa të ndërmarrë aksion ën shkallë kombëtare pasi më herët kishte premtuar se do të bënte gjithçka që mundej për të evituar një izolim tjetër.

Shkalla e infektimit ndërkohë është rritur shumë edhe përtej detit duke sjellë në forma të reja izolimi në Belgjikë, Francë dhe Gjermani.

Top Channel