“Doli duke qarë…”/ Françeska Murati tregon momentin e largimit të Gilit nga BBV! 27/12 07:33
Programi “Dua të të bëj të lumtur” solli në ekranet tona mbrëmjen e sotme historinë e Fatjonit, djalit nga Fieri i cili gjithë kohën ishte paragjykuar nga të tjerët.
Fatjoni në moshë të vogël kishte kaluar një temperaturë të lartë dhe fatkeqësisht kishte humbur shikimin. Në studio kishte ardhur miku i tij, Fatosi i cili rrëfeu kalvarin e vuajtjeve që kishte kaluar Fatjoni dhe familja.
Nga biseda që u zhvillua në studio, Fatosi tregoi se Fatjoni ishte paragjykuar për shkak të aftësisë së tij të veçantë duke e detyuar atë që të mbyllej në vetvete. Fatjoni për të shmangur paragjykimet kishte gjetur një mënyrë që të ndihej si gjithë të tjerët, radion, ‘vendin’ ku gjithëkush mund të jetë i lirë. Ishte pikërisht radioja dhe emisionet e saj të cilat kishin bërë të mundur që midis djemve të lindte një miqësi shumë e madhe.
Fatosi kishte zgjedhur programin “Dua të të bëj të lumtur” për t’i thënë Fatjonit se ai nuk është vetëm, por edhe për t’i bërë një kërkesë të veçantë atij. “Fatjon të kam thirrur këtu për të të kërkuar që të bëhesh vëllai im!”.
Fatjoni tregoi se për të ka qenë dhe është shumë e vështirë që të lëvizë nëpër qytet pasi ka frikë se mos e paragjykojnë. Madje ai ndau me ne një moment në të cilin kishte refuzuar që të ndiqte një koncert të idhullit të tij, Eranda Libohovës, sepse kishte menduar se nuk do të ndihej mirë nga komentet e të tjerëve.
E ftuara surprizë për Fatjonin ishte këngëtarja e tij e preferuar, Eranda Libohova e cila rrëfeu se ai ishte një ndër fansat e saj më të mëdhenj, por nuk kishin mundur kurrë të takoheshin. “Fatjoni i njeh këngët e mia më mirë se unë, por kemi biseduar në telefon duke mos pasur mundësinë të takoheshim. Prandaj unë Fatjon të premtoj se menjëherë pas gjendjes në të cilën ndodhemi do vij të të takoj.”,- tha Eranda Libohova.
Top Channel
