VIDEO/ Shqipëria nuk e ka ftuar kurrë, Rocco Vata bën heroin në Angli 26/12 20:16
Presidenti Ilir Meta ka dhënë një mesazh në rrjetet sociale, në një kohë kur sot është dhe afati i fundit për Reformën Zgjedhore dhe palët do mblidhen në orën 17:00.
Sot të gjithë presin nga palët të mbajnë premtimin e tyre për konsensus shkruan Meta.
“Të mos kenë më frikë nga vota e lirë dhe e barabartë e qytetarëve të vendit dhe t’u japin mundësi të shprehen, jo vetëm për partitë, por edhe për deputetët që këta të mos heshtin më në Parlament e të vazhdojnë të ngrenë duart për ligje e politika që shtojnë varfërinë në vend dhe favorizojnë vetëm një grusht oligarkësh dhe politikanësh që kurrë s’duan të japin llogari dhe të mbajnë përgjegjësi”, shkruan Meta.
Më tej Meta madje sygjeron edhe zgjedhjen e Presidentit nga populli.
Statusi i Metës
Edhe pse është e diel të mos harrojmë paralajmërimet e fundit të Bankës Botërore:
“Covid-19 do të zhysë në varfëri, në skenarin më të mirë rreth 100 mijë shqiptarë, dhe në rastin më të keq diçka më shumë se 200 mijë individë, thotë Banka Botërore në raportin më të fundit të publikuar për ndikimin e Covid-19 në mirëqenien e familjeve në Ballkanin Perëndimor si dhe në normat e varfërisë. Banka Botërore parashikon disa skenarë të ndryshëm, sipas të cilëve, të varfërit në Shqipëri mund të ngjiten në 39.6% të popullsisë, në rastin më të mirë, dhe deri në 43.6% në skenarin më të rëndë. Në të dyja skenarët, Shqipëria do të vijonte të ishte vendi me normën më të lartë të të varfërve në raport me popullsinë në rajon”.
? Lajmi i plotë: http://www.scan-tv.com/covid-19-kthen-shqiperine-vite-mbra…/
Ndaj sot të gjithë presin nga palët të mbajnë premtimin e tyre për konsensus.
Jo vetëm kaq, pasi edhe kjo është shumë pak.
Të mos kenë më frikë nga vota e lirë dhe e barabartë e qytetarëve të vendit dhe t’u japin mundësi të shprehen, jo vetëm për partitë, por edhe për deputetët që këta të mos heshtin më në Parlament e të vazhdojnë të ngrenë duart për ligje e politika që shtojnë varfërinë në vend dhe favorizojnë vetëm një grusht oligarkësh dhe politikanësh që kurrë s’duan të japin llogari dhe të mbajnë përgjegjësi.
Dhe për të dhënë shembullin i pari ju ftoj të vendosni edhe zgjedhjen e Presidentit nga populli, që në këtë vend Presidenti të mos këtë më detyrime ndaj asnjë partie, por vetëm ndaj Kushtetutës, qytetarëve dhe Republikës. ??
Top Channel
