Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
Tragjedia po prek mjaft familje në këto kohë të vështira për botën, por të pakta janë ato që kanë humbur njëherazi dy anëtarë.
Ky ishte rasti fatkeq i oficerit të emigracionit Sudhir Sharma në Londër, i cili humbi jetën nga koronavirusi, e vetëm 24 orë pas tij, vdiq dhe e bija 33-vjecare. 61-vjecari kishte dalë në punë për herë të fundit në 7 janar për shkak të disa probleme shëndetësore.
Por së fundi qe rikthyer në krye të detyrës. Kolegë të tij thanë për mediat vendase se Sudhir ishte një njeri i admirueshëm e i vlerësuar nga të gjithë. Por ndërsa oficeri kishte një shendet disi më të brishtë, e bija, Pooja Sharma dukej mëse e shëndetshme. Farmacistja ishte vendosur në trajtim intensive prej tre ditësh, por gjendja e saj u përkeqësua paprtimas.
Ngushëllimet për familjen vërshuan nga të gjitha anët, ndërsa në rrjetet sociale, ato u shoqëruan edhe me apelet që njerëzit ta marrin shumë seriozisht këtë situatë. Vdekjet nga koronavirusit në Mbretërinë e Bashkuar mbërritën në gati 760, teksa një ditë më parë u shënua rritja më e madhe e bilancit të jetëve të humbura brenda 24 orësh, kur u njoftuan 181 viktima të reja. Krerë vendas të shëndetësisë konfirmuan se virusin e kanë marrë tashmë thuajse 15 mijë britanikë.
Kryeministri Boris Johnson, sekretari i Shëndetësisë, Matt Hancock dhe kreu i Shërbimeve Mjekësore, Chris Whitty, që të tre ppozitivë ndaj virusit, po akuzohen tani se vetë nuk I respektuan rregullat e distancimit social që kanë vendosur për të gjithë britanikët!
Top Channel
