Ministrja gjermane: G7 duhet t’i përgjigjet sulmit të Iranit kundër Izraelit 18/04 22:35
Këto janë kohë të zymta për njerëzit në të gjithë botën me koronavirusin që vazhdon të përhapet.
Numri i të prekurve dhe viktimave vazhdon të rritet, qytete dhe shtete mbyllen dhe miliona njerëz detyrohen të qëndrojnë në izolim. Por, në mesin e gjithë këtyre lajmeve shqetësuese, ka edhe motive shprese… Ajo që po shihet qartë, është ndotja që po bie. Ndërsa vendet izolohen për shkak të virusit është vënë re një rënie e dukshme e niveleve të ndotjes.
Si Kina, ashtu edhe Italia e Veriut kanë parë rënie të madhe të dioksidit të nitrogjenit, një ndotës i ajrit dhe kimikat i fuqishëm, për shkak të aktivitetit industrial të reduktuar dhe ndalimit të qarkullimit. Në një trend të ngjashëm, banorët e Venecias vunë re një përmirësim të ndjeshëm të cilësisë së ujit në kanalet e famshme të qytetit. Ujërat zakonisht të turbullta, u bënë papritur aq të pastra sa që edhe peshqit mund të shiheshin.
Ndërsa ka një pafundësi historish blerjesh nga paniku apo përleshjesh për letra higjenike, virusi ka bërë që të shtohen edhe aktet e bamirësisë në botë. Njerëzit dhurojnë para, ndajnë eksperiencat dhe shkëmbejnë idetë për ta kapërcyer më lehtë këtë situatë.
Ndërsa virusi na ka prekur të gjithë, ai ka bërë bashkë komunitetet. Në itali, njerëzit u derdhën ballkoneve me këngë e duartrokitje. Në Spanjë, nje instruktor fitnesi ofronte stervitje nga çatia e nje pallati ndersa banorët në izolim e ndiqnin nga ballkonet. Shumë njerëz e kanë shfrytëzuar mundësinë të lidhen me miqtë dhe të dashurit me telefonata audio e video. Me mijëra evropianë në anën tjetër kanë dalë nëpër ballkone e dritare për të duartrokitur mjekët dhe infermierët që po luftojnë virusin.
Top Channel
