Izraeli luftë me disa fronte! E enjte tmerri, sulme të njëpasnjëshme në Gaza dhe Liban
14/11 22:57
Është rikthyer sërish në vëmendje misteri që mbulon prej kohësh anijen transportuese MV Alta, të gjatë mbi 77 metra, e cila lundron nëpër ujëra pa anëtarë të ekuipazhit.
Anija fantazmë u vërejt duke lundruar pranë brigjeve afrikane gjashtë muaj më parë, ndërsa së fundmi u pa në brigjet e Irlandës, pas stuhisë Dennis që goditi këtë vend.
MV Alta që lundron nën flamurin e Tanzanisë, u vërejt për herë të fundit në shtator të vitit të shkuar, nga marina mbretërore e Britanisë së Madhe në Atlantik.
Anija transportuese MV Alta u pikas të dielën, kurse zëdhënësi i rojeve bregdetare në Waterford, tha se lokacioni aktual i anijes është si rezultat i stuhisë, duke pranuar se e kanë kontrolluar dhe se brenda saj nuk e kanë gjetur askënd.
Në anën tjetër menaxheri për shpëtimin e anijeve John Tatan, pretendon se kjo anije “është një në milion”.
“Ka bredhur deri në brigjet afrikane, në perëndim të brigjeve spanjolle, në Angli e deri të Irlanda. Kurrë më herët nuk kam parë diçka të tillë”, ka shtuar ai.
Megjithatë ajo çfarë mbetet mister është se si ka ndodhur që anija e prodhuar më 1976, të përfundojë duke lundruar në Oqeanin Atlantik, duke mos pasur as edhe një njeri në të.
Top Channel
