Thellohet bilanci nga tajfuni “Kalmaegi” në Filipine, 114 të vdekur dhe mijëra të zhvendosur 06/11 07:47
Një familje kineze kanë dalë në media publike duke akuzuar qeverinë se janë munduar të mbulojnë vdekjen e doktorit “heroik” që ishte ndëshkuar pasi përhapi alarmin për coronavirusin, në një protestë të rrallë online kundër censurimit komunist.
“Ai nuk u lejua të fliste, nuk u lejua as të vdiste”, shkroi një person në aplikacionin e famshëm kinez WeChat, pasi morri vesh në media për vdekjen e Dr Li Wenliang.
“Dr Li Wenliang u lejua të vdiste vetëm pasi përdoruesit e shumtë të uebit fjetën”, shkroi një tjetër person në Twitter.
Kina ka njoftuar se po dërgon rojet e saj antikorrupsion në Wuhan për të hetuar vdekjen e Dr. Li, pasi vdekja e tij shkaktoi një numër të madh kritikash ndaj partisë komuniste, në një kohë krize ku numri i të vdekurve nga ky virus ka mbërritur në 638.
Zyrtarët e Wuhan gjithashtu urdhëruan që 820,000 juanë (90,000 euro) t’i paguheshin familjes së Dr. Li si kompensim pasi vlerësuan se vdekja i erdhi nga puna që bënte, shkruan Dailymail.
Banorët e Wuhan vendosën lule para Spitalit Qendror Wuhan, për të cilin Dr Li punoi dhe u trajtua në të, për t’i dhënë nderimin atij, ndërsa qytetarët në Hong Kong mbajtën një vigjilje për të vajtuar mjekun e përkushtuar.
Komisioni Qendror i CPC-së për Inspektimin e Disiplinës, tha në një deklaratë se premtoi një hetim të plotë mbi çështjet që lidhen me Dr Li, i cili vdiq nga lloji i ri i koronavirusit, pasi u infektua nga një prej pacientëve të tij.
Ai la pas gruan e tij që është shtatzënë, djali i tyre pesë vjeç dhe prindërit e tij të moshuar.
Disa përkrahës të mjekut të vonë krijuan ilustrime të tij bazuar në një pamje tendencioze, e cila tregon Dr Li duke veshur një maskë në fytyrë, ndërsa kuronte pacientët gjatë epidemisë.
Top Channel
