U argëtua me miqtë dhe publikoi video në rrjetet sociale, ylli televiziv qëllohet për vdekje pak orë më vonë 12/10 20:49
Skema e ngjyrave
Madhësia e shkrimit
Tarifat shpaguese të Bashkimit Europian ndaj mallrave amerikane hynë në fuqi këtë të premte. Sulmi më i fundit ky ndaj politikës tregtare të Donald Trumpit.
Taksat prekin artikuj me vlerë të përgjithshme 2.8 miliardë euro, duke shënjestruar edhe produkte të rëndësishme për SHBA-të si uiski, motoçikletat dhe lëngu i portokallit.
Presidenti i Komisionit Europian, Jean-Claude Juncker kujtoi sesi ishte Amerika, ajo që vendosi e para tarifat e reja që binin ndesh – sipas tij, – me logjikën dhe historinë.
Pas Turqisë të enjten, edhe India vuri taksa mbi 29 produkte të importuara nga Shtetet e Bashkuara, përfshire disa mallra bujqësore dhe të tjera prej alumini e çeliku.
Tarifat e saj hyjnë në fuqi nga 4 gushti e godasin sidomos eksportet e bajameve. India është blerësi më i madh i bajameve amerikane në botë, ndaj kjo lëvizje pritet të rëndojë ndjeshëm mbi fermerët amerikanë.
Donald Trump e bëri realitet kërcënimin e tij, duke përfshirë nga 1 qershori edhe BE-në në tarifat e reja amerikane, e lista e tij u zgjat veç të tjerash edhe me Kanadanë e Meksikën. Por, kundërpërgjigjet që po merr nga të gjitha anët bëjnë të lindë pyetja: A e përballon dot vërtet Amerika luftën tregtare me të gjithë?
Top Channel
