Protestat në kampusin e Universitetit të Kolumbias, efekticvi i policisë qëllon aksidentalisht me armë 03/05 22:59
Kori i kritikave ndaj tarifave të reja amerikane është instensifikuar, pasi indinjatës së Bashkimit Europian, Kanadasë e Meksikës i janë bashkuar edhe disa republikanë me peshë në Kongres.
“Nuk jam aspak dakord me këtë vendim”, deklaroi kryetari i Dhomës së Përfaqësuesve, Paul Ryan. “Ky veprim ka shënjestruar aleatët e Amerikës në një kohë kur ne duhet të bashkëpunonim me ta për të zgjidhur çështjen e praktikave të pandershme tregtare të vendeve si Kina”, shtoi ai.
Edhe kryetari i Komisionit përgjegjës për Taksimin, Kevin Brady e bëri të qartë se këto tarifa po godasin shënjestrën e gabuar.
“Problemi nuk janë BE-ja, Kanadaja dhe Meksika. Problemi është Kina”, theksoi Brady.
Krerët e vendeve të prekura reaguan me zemërim, duke u betuar se do të përgjigjen me të njëjtën monedhë përmes tarifash që nisin nga çeliku e deri te stilolapsat.
Presidenti francez Emmanuel Macron, i cili ndryshe nga udhëheqës të tjerë europianë ka pasur një marrëdhënie mjaft të mirë me Trumpin, e cilësoi lëvizjen amerikane të paligjshme, e tha se BE-ja do t’i japë asaj “përgjigjen e merituar”.
Tarifat e reja hynë në fuqi pas mesnatës. Shefi i Shtëpisë së Bardhë i justifikon ato me argumentin se prodhuesit amerikanë të çelikut dhe aluminit kanë rëndësi kyçe për sigurinë kombëtare, ndërsa marrëveshjet aktuale tregtare, sipas tij dëmtojnë kompanitë amerikane dhe Shtetet e Bashkuara humbasin vende pune.
Top Channel
