Dyfishohen rastet e fruthit brenda një viti në mbarë botën, incidenca më e lartë në Azerbajxhan, Kirgistan dhe Jemen 28/04 09:46
Kryeministri Netanyahu dhe presidenti Putin, në takimin e 9 majit në Kremlin
Rusia nuk është përfshirë në bisedime me qeverinë siriane, për furnizimin e kësaj të fundit me sistemet e avancuara të raketave tokë-ajër “S-300”, e për më tepër nuk beson se ato janë të nevojshme.
Kështu është shprehur një ndihmës i lartë i Kremlinit, i cituar nga e përditshmja ruse “Izvestia” këtë të premte, në një kthesë të dukshme 180 gradë prej Moskës.
Komentet e bëra nga Vladimir Kozhin, një prej ndihmësve të presidentit Vladimir Putin, i cili mbikëqyr asistencën ushtarake ruse ndaj vendeve të tjera, vijnë pas vizitës në Moskë të kryeministrit izraelit, Benjamin Netanyahu gjatë kësaj jave, i cili tentoi të lobonte fuqishëm te Putin për të mos transferuar këto raketa.
Muajin e kaluar, Rusia la të kuptohej se do të furnizonte me këto armë të avancuara Assadin, pavarësisht kundërshtive të Izraelit, pas sulmeve ushtarake të Perëndimit mbi Siri. Ministri i Jashtëm rus, Sergei Lavrov kishte thënë se sulmet kishin hequr çdo detyrim moral që pengonte Rusinë të dërgonte raketat, ndërsa e përditshmja ruse “Kommersant” kishte cituar një burim anonim ushtarak të thoshte se furnizimet mund të nisnin menjëherë.
Por, komentet e Kozhin, të bëra për më tepër shumë shpejt pas bisedës së Netanyahut me Putinin në Moskë, sugjerojnë se përpjekjet lobuese të udhëheqësit izraelit, të paktën për momentin kanë korur sukses.
“Momentalisht nuk jemi në bisedime për furnizimin me sisteme moderne të mbrojtjes antiajrore”, citohet të ketë thënë Kozhin nga e përditshmja “Izvestia”, kur u pyet mbi mundësinë e furnizimit të Sirisë me “S-300”. Ai shton se “ushtria siriane ka tashmë gjithçka i nevojitet”.
Izraeli ka bër përpjekje të vazhdueshme për të nxitur Moskën të mos i dërgojë Sirisë sistemet “S-300”, pasi i frikësohet faktit se do të mund të pengonin aftësinë e saj të goditjes ajrore kundër dërgesave të armatimeve ndaj grupit libanez të mbështetur prej Iranit, Hezbollah. Izraeli ka ndërmarrë disa sulme ajrore kundër dërgesave të armatimeve.
Top Channel
