Zgjidhet misteri i ‘mallkimit të faraonit’ pas zbulimit të shkakut të vdekjeve në varrin e Tutankamun (fotot)
26/04 16:09
Angela Merkel udhëton sot drejt Uashingtonit për një takim me presidentin amerikan Donald Trump, i cili nuk ka për të qenë aq i lehtë sa ai i shefit të Shtëpisë së Bardhë me kreun e shtetit francez, Emmanuel Macron.
Një ditë përpara kësaj vizite, burime qeveritare në Berlin treguan se Gjermania është përgatitur për një luftë të mundshme tregtare me Shtetet e Bashkuara, gjë që dëshmon faktin se ekzekutivi atje i ka ulur pritshmëritë e tij mbi rezultatin e ndalesës së dytë të Kancelares në Uashington.
Në darkën e përbashkët, Merkel do të ketë mundësinë të rihapë tema të trajtuara nga Macron, i cili kishte kritikuar kthimin te të menduarit si nacionalist.
Fjalimi i tij në Kongres u prit mjaft mirë, sidomos pjesa ku tha se Shtetet e Bashkuara e kanë rizbuluar multilateralizmin.
Presidenti francez ka demonstruar unitet me Kancelaren Merkel sa i përket linjës së përbashkët politike, por Merkel – kujtojnë mediet gjermane, – nuk zotëron një dramaturgji të njëjtë prezantimi si Macron, e nuk ka simpatitë që ai gëzon në Amerikë.
Trump e ka theksuar disa herë miqësinë e tij me shefin e Elizesë, ndërsa me Kancelaren refuzoi në takimin e parë të përshëndetet para kamerave. Ndër temat e vështira të këtij takimit pritet të jenë tregjet ndërkombëtare dhe paratë që duhen ndarë për çështjet e sigurisë.
Presidenti amerikan kërkon nga vendet anëtare të NATO-s që të shtojnë kontributin financiar në të pakten dy për qind të prodhimit kombëtar.
Top Channel
