“Propagandë kundër regjimit”, gjykata iraniane dënon me 21 vite burg gazetaren 28/05 20:12
Aleatët e presidentit amerikan Donald Trump i kanë hyrë një fushate intensive “online” për diskreditimin e librit me kujtime të ish-shefit të FBI-së, James Comey, të shkarkuar nga shefi i Shtëpisë së Bardhë.
Libri, që përshkruhet si goditja më e fortë e dhënë një presidenti në detyrë në historinë moderne të Amerikës, del në treg javën e ardhshme.
Republikanët çelën një faqe interneti, ku ish-zyrtari më i lartë ligjzbatues i vendit cilësohet si “Comey gënjeshtari”.
Në një intervistë të dhënë paraprakisht, Comey e krahason Trumpin me një “bos të mafies”. Në disa pjesë të librit, të siguruara nga “Washington Post”, Comey shkruan se përballjet me Trumpin i rikthyen në kujtesë fillimet e karrierës si prokuror kundër krimit të organizuar.
Ish-kreu i FBI-së përmend rrethin e heshtur të aprovimit, si dhe betimet e besnikërisë. “Bosi, – thotë ai, – është jashtë kontrollit”.
“Këndvështrimi global është kundër atyre, gënjeshtrat për gjëra të mëdha e të vogla, në shërbim të një kodi besnikërie që e vendos organizatën mbi moralin dhe mbi të vërtetën”, thuhet në disa fragmente të librit.
“Rezultati, – vazhdon ai, – është zjarri pyjor që përbën Presidencën Trump”.
Faqja e internetit “lyingcomey.com”, e krijuar nga Komiteti Kombëtar Republikan, përpiqet të tregojë në kundërsulmin e saj sesi u ankuan demokratët nga menaxhimi që Comey i bëri hetimit mbi “e-mail”-et e Clintonit, e sesi e kërkuan edhe ata largimin e tij.
“Comey nuk është i besueshëm, e për këtë pyesni pak demokratët”, thuhet në fillimin e një videoje, që tregon më pas kritikat e Nancy Pelosit dhe Chuck Schumerit.
Top Channel
