Bujqësia në rënie! Minus 0.41% sektori i ekonomisë që zë 22% të prodhimit të brendshëm, ekspertët: Duhet plan strategjik 27/12 15:55
Qeveria ka reaguar për herë të parë ndaj sondazhit të Dhomës Amerikane të Tregtisë, i cili konstaton se klima e biznesit në Shqipëri u përkeqësuar vitin e kaluar.
Ministri i Financave Arben Ahmetaj tha se ndjesitë e bizneseve të Dhomës Amerikane nuk përkojnë me gjendjen e tyre financiare.
“142 kompani të cilat në pjesën dërrmuese të tyre kanë raportuar bilance me rritje, ndërkohë që kanë një ndjesi më të ndrydhur. Kjo ka vetëm një shpjegim, pritshmëritë e larta. Ata presin më shumë nga qeveria dhe kjo është e shëndetëshme”, thotë Ahmetaj.
Sipas Ahmetajt ecuria pozitive e ekonomisë është konfirmuar jo vetëm nga Fondi Monetar Ndërkombëtar, por edhe nga grupi i njohur Euromoney, i specializuar në vlerësimet financiare të shteteve.
“Sipas raportit të Euromoneyt, risku në ekonominë shqiptare është ulur. Pra, është më i ulët se sa ka qenë vitet e kaluara”, vijon ministri.
Megjithatë, ashtu si Fondi Monetar edhe ministri i Financave e pranon se risku në ekonominë shqiptare mbetet në nivele të larta, i diktuar nga borxhi publik.
“Duhet ulur më tej niveli i borxhit, duhen paguar detyrimet e prapambetura në mënyrë që kuadri makro të mbështesë rritjen ekonomike”, përfundoi Ahmetaj.
Top Channel
