Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Rezultatet negative këtë sezon e kishin lëkundur seriozisht pankinën e Paolo Tramezzanit te Sioni, por vetëm këtë fundjavë, drejtuesit morën vendimin e vështirë për të shkarkuar trajnerin italian.
Ish-numri dy i pankinës së Shqipërisë, nën drejtimin e De Biasit, largohet nga stoli i skuadrës zvicerane pas ndalesës 2-2 ndaj Luganos në javën e 12.
Tramezzani shkoi me një plan të qartë te Sioni, për ta çuar sërish ekipin në pjesëmarrjen në Kupat e Europës, por kontrata e tij u ndërpre para fundit dhe aventura zgjati vetëm 16 ndeshje.
Te Sioni luajnë edhe dy futbollistët e Kombëtares shqiptare, Ermir Lenjani dhe Burim Kukeli, të dy të afruar nga Tramezzani gjatë kësaj merkatoje verore. Fati i tyre mbetet për t’u parë në muajt në vijim.
Sioni mbetet në vendin e 7 në renditje, me vetëm 13 pikë të grumbulluara, në 12 javë të kampionatit helvet.
Top Channel
