Australi, incident tragjik në ajër. Vriten 3 parashutistë
13/10/2017 00:00
Izraeli do të ndalojë luftimet gjatë ditës për të mundësuar hyrjen e ndihmave në Gaza 16/06 15:00
Tre parashutistë humbën jetët në Australi, pasi u përplasën në ajër me njëri-tjetrin, të paktën sipas policisë lokale.
Mësohet se incidenti tragjik ndodhi në zonën “Mission Beach”, një vend shumë popullor për këtë sport ekstrem.
Policia e provincës së Queenslandit tha se 3 viktimat, dy meshkuj në të 30-at dhe një femër rreth 50 vjeç, u gjetën të vdekur në vendngjarje.
Hetimi fillestar tregon se parashutisti që fluturonte vetëm, duhet të jetë përplasur me dy të tjerët që fluturonin bashkë. Si pasojë, parashutat nuk u hapën siç duhej dhe viktimat gjetën vdekjen e menjëhershme për shkak të rënies nga lartësia e madhe.
Kompania “Skydive Australia”, që organizon hedhjet me parashutë, tha se kishte ndërprerë aktivitetin ndërsa zhvillohet hetimi. Mësohet se dy parashutistët meshkuj ishin ekspertë të këtij sporti, ndërsa femra ishte një turiste.
Autoritetet vendase thanë se 3 viktima në një incident është fatkeqësi e vërtetë, por praktikimi i këtyre sporteve sjell edhe rreziqe me vete.
Top Channel
