Ish-presidenti i PE: Katalunja nuk është Kosovë
09/10/2017 00:00
Zelensky: Kemi nevojë për të paktën shtatë sisteme të mbrojtjes ajrore ‘Patriot’ 19/04 21:00
Katalanas që e përshkruajnë veten si “shumica e heshtur” e kundërshtuan pavarësinë e rajonit, e me këtë slogan mbushën rrugët e Barcelonës të dielën. Policia thotë se, të paktën 350 mijë vetë morën pjesë në tubimin gjigant, organizatorët e të cilit pretendojnë se numri i pjesëmarrësve ishte gati një milion.
Demonstruesit u mblodhën në sheshin “Urquinaona”, duke valëvitur flamuj spanjoll, katalanas e të Bashkimit Europian, ndërsa thërrisnin me të madhe: Rroftë Spanja!
Ngjarja me moton “Mjaft më, t’i kthehemi arsyes” u organizua nga Shoqata Qytetare katalanase, e cila u bëri thirrje banorëve të rajonit të ngrenë zërin e tyre si mazhorancë e heshtur. Laurerati i Nobelit në Letërsi, Mario Vargas Llosa, dhe ish-presidenti i Parlamentit Europian, Josep Borrell Fontelles, një socialist katalanas tejet i njohur, iu drejtuan protestuesve në fund të tubimit.
“Përtej kujtimeve të së shkuarës, ndonjëherë madhështore e herë të tjera tragjike, Spanja është gjithashtu një vend i lirisë, vend i sundimit të ligjit dhe nuk do të shkatërrohet nga separatizmi”, tha Llosa.
Borrell u shpreh se Katalunja nuk është një shtet si Kosova, ku të drejtat e njerëzve ishin shkelur sistematikisht.
“Katalunja nuk është si Lituania, Kosova apo Algjeria. Nuk është një territor i pushtuar, apo i militarizuar. Krahasimi nuk ka vend”, tha Josep Borrell.
Spanja është zhytur në krizë politike, që kur udhëheqësit katalanas i bënë realitet zotimet e mbajtjes së referendumit të pavarësisë më 1 tetor, pavarësisht vendimit të Gjykatës Kushtetuese të vendit, që e shpallte votimin të paligjshëm.
Top Channel
