10 frazat në CV që ‘tërbojnë’ punëdhënësin

23/09/2015 17:50

Gjetja e një vendi pune nuk është aspak e lehtë. E ndërsa me këmbëngulje jemi në kërkim të një vendi pune, përpiqemi që të tërheqim vëmendjen e punëdhënësve që në fazat e para të aplikimit, që në CV.

Por jo rrallëherë ndodh që të përdorim shprehje apo fraza që nuk janë aspak të pëlqyeshme nga ana e punëdhënësve, jo vetëm kaq, por përdorimi i tyre do i irritonte ata. Hulumtimet tregojnë se rekrutuesit janë të lodhur nga klishetë e shkrimit të CV-ve dhe kjo mënyrë shkrimi fatkeqësisht mund të na heqë mundësinë për të qenë ne fituesit e vendit të punës.

Studimi i kryer nga një kolegj i Shkencave Humane tregon se më shumë se gjysma, 59 përqind e punëdhënësve, stresohen nga gabimet gramatikore.

Ndërsa disa nga shprehjet e përdorura gabim janë:

1- “Unë jam shumë punëtor”
2-“Punoj dhe nën presion”
3-“Mund të punoj në mënyrë të pavarur”
4-“Di të punoj në grup”
5-“Jam i aftë të zgjidh probleme”
6-“Aftësi të mira komunikuese”
7-“Jam proaktiv”
8-“Jam një dëgjues i mirë”
9-“Unë jam entuziast”
10-“Aftësi të shkëlqyera komunikimi me shkrim”

E nëse ju jeni duke menduar të përdorni “emoji” në CV-në tuaj, po ashtu bëni mirë të hiqni dorë. Nuk është aspak një ide e mirë. Për rreth 42 % të rekrutuesve, përdorimi i tyre është i papranueshëm dhe shumë shpejtë CV-ja juaj do përfundonte në kosh pa vazhduar më tej.

Vetëm një në pesë nga punëdhënësit kanë durim të përfundojnë leximin e një CV-je. Prandaj shkrimi i tyre me kujdes e pa gabime drejtshkrimore do të bëjë të mbajë “nën kontroll’’ stresin e tyre dhe pse jo ju të jeni mjaftueshëm atraktiv për të qënë punonjësi i përzgjedhur.

Top Channel