Marsi bën bashkë Rusinë dhe SHBA
31/03/2015 00:00
Historia e pabesueshme e 93-vjeçarit që ka moshën biologjike të një 30-vjeçari! Richard Morgan tregon sekretin e tij 19/04 09:08
Kur flitet për çështjet në Tokë ndasitë mes Uashingtonit dhe Moskës janë të thella, sidomos kohët e fundit kur tensionet janë përshkallëzuar si pasojë e krizës ukrainase.
Por kjo nuk pengon dy agjencitë hapësinore të vendeve respektive që të bashkëpunojnë. Roscomsos dhe NASA po mendojnë ndërtimin e një tjetër stacioni të përbashkët hapësinor.
“Ramë dakort që Roscosmos dhe NASA të punojnë së bashku për ndërtimin e një stacioni hapësinor në të ardhmen”, deklaroi kreu i agjencisë ruse, Igor Komarov.
Homologu i tij amerikan, Charles Bolden shkoi më tej kur tha se veç stacionit hapësinor duhet të shqyrtohet edhe mundësia e një misioni të përbashkët për në Mars, por pa përjashtuar nga ky hap i rëndësishëm i njerëzimit sipërmarrësit privatë që dëshirojnë t’i bashkohen.
Deklaratat e Bolden dhe Komarov u bënë gjatë lëshimit për në hapësirë të kapsulës Soyuz, me destinacion ISS (International Space Station).
Por entuziazmi për këtë bashkëpunim i pasqyruar gjerësisht në mediat ruse u frenua nga zv.Kryeministri rus, Dmitry Rogozin. Përmes një postimi në rrjetet sociale ai thotë se “qeveria do të shqyrtojë mundësinë për krijimin e një stacioni të ri hapësinore nga Roscosmos dhe NASA”. Ndërkohë, agjencia amerikane nuk ka reaguar ende zyrtarisht mbi raportimin në fjalë.
Top Channel
