Një sfidë “Davidi kundër Goliathit” mund të konsiderohet ajo mes një brejtësi dhe një qytetari japonez, se kush do të hante më shumë hot-dog.
Ai që ka mbizotëruar, sigurisht, ka qenë konkurrenti më i vogël dhe me shanset shumë më të pakta për fitoren.
Brejtësi protagonist i videos ia doli mbanë të rrëmbejë vëmendjen e të gjithëve, por edhe medaljen ndaj Takeru Kobayashit, japonezit që si profesion ka “të ngrënit nëpër kompeticione”.
Brejtësi sfidoi atletin e tavolinave, duke ngrënë panine të vogla të krijuara me një përmasë të përshtatur për të, duke konsumuar të paktën 10 të tilla.
Kobayashi, i cili është i famshëm pikërisht për maratonat e tij me të ngrënin, si qofte, tacos, pica dhe sanduiçë me “shpejtësinë e dritës”, ka ende të vetin rekordin botëror për hot-dogët: plot 60 copë në 2 minuta e 35 sekonda, por këtë herë i është dashur të dorëzohet përpara shpejtësisë së rivalit të tij më të vogël.
Top Channel
