Të hash shtatë ose më shumë racione fruta dhe perime në ditë është më e
shëndetshme se sasia e rekomanduar, 5, dhe do të zgjaste jetën e
njeriut.
Një studim britanik i kryer mbi 65.220 persona, burra dhe gra, tregoi se sa më shumë fruta dhe perime njerëzit hanë, aq më të ulëta janë gjasat që ata të vdesin në moshën e përllogaritur.
Sipas studimit, 7 racione në ditë ulin ndjeshëm rrezikun e vdekjes nga kanceri apo sëmundjet e zemrës. Por autoritetet shëndetësore thonë se 5 herë në ditë është e mjaftueshme dhe madje, shumë prej njerëzve luftojnë që të arrijnë edhe këtë numër.
Ekspertët thonë se përveç frutave dhe perimeve, faktorë të tjerë si moskonsumimi i shpeshtë i duhanit dhe alkoolit mund të ndikojnë gjithashtu në rënien e vdekshmërisë.
Studiuesit e Universitetit të Londrës përdorën të dhënat e Institutit Kombëtar të Kujdesit Shëndetësor, që mbledh të dhënat nga banorët e Anglisë çdo vit, përmes pyetësorëve dhe vizitave mjekësore.
Ata analizuan të dhënat e periudhës 2001-08, që u siguroi një foto të situatës sesa zakonet dietike të qytetarëve.
Top Channel