Lëvizja Socialiste për Integrim ka bërë thirrje sërish për realizimin sa
më të shpejtë të reformës territoriale, të cilen kreu i grupit
parlamentar Petrit Vasili, e cilësoi një domosdoshmëri për t’i dhënë
funksionalitet dhe eficencë më të madhe pushtetit vendor.
“Lidhja e kësaj reforme me interesa të vogla fiktive politike, dhe vecanërisht elektorale, është qasja më e gabuar dhe dritëshkurtër dhe tepër e dëmshme, pasi verdiktin elektoral, në kohën dhe në momentin e duhur, të përcaktuar nga Kushtetuta do ta japin vetë shqiptarët dhe nuk do ta japin aspak, as bojkotet alogjike, që vetëm bëjnë një mision të gabuar që është ruajtja e statuskuosë së prapambetjes dhe anakronizmit të organizimit të pushtetit vendor”, tha Vasili.
Petrit Vasili u ndal edhe tek debati per Autoritetin e Medias Audiovizive funksionimin e te ciles e quajti gjysmak dhe ne raporte te paqarta me ligjin, duke shprehur mbeshtetje te plote per iniciativen e mazhorancen lidhur me kete institucion.
“Lëvizja Socialiste për Integrim do të mbështesë të gjithë veprimtarinë ligjore që e bën institucionin funksionues, sepse është shumë e qartë, që edhe për ju që jeni aktorë të drejtpërdrejtë dhe të lidhur me këtë institucion, është shqetësim madhor që një institicion madhor gjysmak dhe i vendosur në raport jo të qarta me ligjin vazhdon të funksionojë si i tillë. Cdo nismë e maxhorancës që do ta vërë në lëvizje zgjidhjen e problemit do të mbështetet nga LSI”, theksoi Vasili.
Top Channel
