Partia Demokratike akuzoi kryeministrin Edi Rama se nuk marrë asnjë masë për dy zyrtarët e denoncuar prej saj si persona të dënuar nga gjykatat.
Zëdhenesja publikoi vendimet e gjykatave për drejtuesit e CEZ-it në Durrës dhe kreun e Zyrës së Punës në Korçë.
“Ja vendimi i Gjykatës së Durrësit, që dënon Plator Mehmetin, i caktuar sot nga Rilindja si kryeinxhinjer në CEZ me 10 muaj e 15 ditë burgim, si dhe 287 mijë lekë gjobë, për shpërdorim detyre dhe shkelje të barazisë në tendera”, deklaroi zëdhënësja Laura Vorpsi.
“Ja vendimi i Gjykatës së Korçës, që e dënon Florenc Tabukun, kreun e zyrës së punës, me 6 muaj burg dhe 250 mijë lekë gjobë për falsifikim dokumentash. Qeveria dhe kryeministri Rama, jo vetëm që nuk marrin masat e duhura, por bëjnë përpjekje të dëshpëruara për të mbrojtur me çdo kusht këta persona dhe për të mbuluar të shkuarën e tyre. Partia Demokratike është e shqetësuar për kapjen e administratës nga persona që kanë një të kaluar të dyshimtë”, thuhej më tej në këtë deklaratë.
Top Channel
