Dështon sërish komisioni për policinë
26/03/2014 00:00
“Sjellje prej të forti në botën e bandave”, Alban Dudushi për gjuhën e Metës drejt SPAK: Pse heshti kaq kohë? Kërkoi një pazar, por… 17/04 22:39
Sërish komisioni hetimor për shkarkimet dhe ripranimet në Policinë e Shtetit nuk ka nisur dot nga detyra e tij, pavarësisht se po i afrohet fundit të periudhës dymujore që iu la në dispozicion nga Parlamenti.
Shkak janë bërë debatet e ashpra midis deputetëve socialistë dhe kreut të këtij komisioni, Arben Ristani. Sot duhet të përcaktoheshin dokumentat që mungonin nga Policia e Shtetit dhe kërkesa për dërgimin e tyre.
Debati nisi fill pasi kreu i kosionit nisi t’i bëjë pyetje specialistit të zgjedhur nga maxhoranca lidhur me kohën në të cilën ai e kishte parë këtë dokumentacion.
Deputeti socialist Taulant Balla kërkoi vazhdimin e evidentimit të mangësive në dokumentacion, ndërsa deputetët e tjerë e akuzuan Ristanin se po shkelte qëllimisht proçedurën e përcaktuar për të zvarritur punën.
Në debat e sipër, ku nuk kanë munguar fyerjet, Ristani kërkoi mbylljen e saj dhe u largua së bashku me dy deputetët e tjerë të Partisë Demokratike.
Top Channel
