Kanë kaluar më shumë se dy vjet që prej kapjes dhe ekzekutimit të Muammar Gaddafit, i cili drejtoi për më shumë se katër dekada me “grusht të hekurt” mbi Libinë.
Megjithatë, tmerret dhe brutaliteti i diktaturës së tij nuk janë zbuluar ende plotësisht.
Një dokumentar shokues i “BBC” ka treguar për herë të parë foto të dhomës së “torturave” dhe një klinike gjinekologjike, ku diktatori shfrynte të gjithë perversitetet e tij seksuale.
Sipas këtij dokumentari, gjatë 42 viteve që drejtoi Libinë nëpërmjet terrorit dhe dhunës, Gaddafi mund të ketë përdhunuar qindra, e mbase mijëra djem e vajza adoleshentë dhe të mitur.
Nje prej dhomave sekrete ku konsumoheshin abuzimet e tmerrshme te Gaddafit
Prova të pakundërshtueshme provojnë se Gaddafi kishte një fiksim ndaj adoleshenteve të virgjëra, të cilat rrëmbeheshin nga familjet e tyre në zona të ndryshme të vendit dhe i dërgoheshin si dhuratë kolonelit për të zbatuar fantazitë e tij të tmerrshme.
Kabineti i gjinekologjise i instaluar vetem per ekzaminimet e viktimave te diktatorit
Dhoma e gjinekologjisë i shërbente diktatorit për të provuar nëse vajzat ishin me të vërtetë të virgjëra, ndërsa fotot e tjera tregojnë dhomën e rezervuar për diktatorin brenda Universitetit të Tripolit, vendi i preferuar i gjetjes së viktimave seksuale.
Truproja te Gaddafit, virgjera te betuara te stervitura posacerisht per mbrojtjen personale te diktatorit
Dokumentari i “BBC”-së tregon se në shumë institucione në vendit, për të përmbushur epshet e diktatorit, ishin ndërtuar dhoma të tilla ku Gaddafi mund të abuzonte me viktimat e tij, ndërsa vajzat e rrëmbyera mbaheshin peng për vite me radhë në burgje të posaçme e për shumë prej tyre nuk dihet më asgjë.
Muammar Gaddafi ne kulmin e pushtetit
Muammar Gaddafi, diktatori i Libisë për 42 vjet, ndërroi jetë në moshën 69-vjeçare i tërhequr zvarrë dhe i ekzekutuar në rrugët e Sirtes, nga kryengritësit që e rrëzuan nga pushteti.
I terhequr zvarre dhe i ekzekutuar pa dinjitet, Gaddafi ne castet e fundit te jetes ne Sirte, Libi
Top Channel
