Egjipt, kandidatët i rrëzon edhe apeli

Paneli gjyqësor nuk gjeti asnjë provë të re të ishte evidentuar nga kandidatët, duke përfshirë ish-shefin e spiunazhit Omar Suleiman dhe liderin e Vëllazërisë Myslimane, Khairat al-Shater.

Ultrakonservatori Salafist, Hazem Ebu Ismail, gjithashtu humbi apelin e tij. Të tre ishin konsideruar pretendentë kryesorë.

Korrespondenti i BBC-së në Kajro tha se vendimi riformaton zgjedhjet.

Një listë përfundimtare e kandidatëve do të publikohet në datën 26 prill, kur fushata zgjedhore fillon zyrtarisht.

Qindra përkrahës të zotit Ebu Ismail organizuan një protestë jashtë selisë së komisionit në Kajro, i cili është rrethuar nga policia ushtarake dhe makina të blinduara.

Kur refuzimi i kandidatit të tyre u shpall, disa prej tyre hodhën gurë dhe u përleshën me policinë.

Ish-shefi i spiunazhit dhe zëvendësi i Mubarak, Suleimani u skualifikua pasi nuk arriti të marrë mjaftueshëm firma për të siguruar kandidaturën e tij.

Shater një biznesmen milioner dhe deputet i Vëllazërisë Myslimane u përjashtua pasi kishte një dënim në të shkuarën.    

Ayman Nour, një ish-deputet liberal i cili sfidoi Z. Mubarak për presidencën në vitin 2005, u ndalua gjithashtu për kandidimin.

Abu Ismail ishte skualifikuar sepse nëna e tij mbante shtetësinë amerikane, diçka që Salafistët e kanë mohuar fuqishëm.

Raundi i parë i votimit është caktuar më 23 dhe 24 maj, pas së cilës pritet në qershor të ketë një balotazh ndërmjet dy kandidatëve më të votuar.

Top Channel