Rihanna dobësohet prej babait

Në një vit, këngëtarja ka humbur disa kilogramë dhe aktualisht gëzon një formë më të mirë se kurrë. Çuditërisht, merita për këtë është e babait të saj, Ronald Fenty, i cili pranoi në një revistë se ishte i pari që i vuri në dukje të bijës që ishte shëndoshur shumë.

”Mendova se ishte e shëndoshë herën e fundit që e pashë dhe ia bëra të ditur këtë. Megjithatë, në shfaqjen e “Grammys”, ajo kishte një formë trupore të shkëlqyer dhe dukej shumë mirë. Ka realizuar një dietë dhe ajo ka dhënë efektet e saj”, deklaroi Fenty.

Megjithatë, në një intervistë të dhënë për revistën “Vogue” disa muaj më parë, Rihanna pretendonte se nuk ishte duke u stërvitur për të rënë në peshë, por vetëm për të mbajtur trupin e saj të tonifikuar.

”Për herë të parë në jetën time, nuk dua që të heq zonat e mia të bëshme. Thjesht, dua të kem një trup të tonifikuar”, deklaroi këngëtarja e lindur në Barbados.

Top Channel