PR kërkon ndyshim të Kodit

Sipas republikanëve pragu eletoral prej 3% të votave duhet hequr dhe duhet ndryshuar formula e shpërndarjes së mandateve, që aktualisht deformon vullnetin e zgjedhësve.

“Dhe ndodh, sic ka ndodhur në parlamentin shqiptar që një partie politike i ka rënë mesatarisht 9800 vota për një mandat dhe një partie politike i ka rënë 32000 vota për një mandat. Por ndryshe nga cfarë artikulohet se kjo është cështje sistemi, për Partinë Republikane kjo nuk është një cështje sistemi, por e një dispozite në kod, e cila heq formulën e përllogaritjes së De Hondit dhe fut një formulë shumë të thjeshtë që merr në konsideratë edhe korrektimin kombëtar më pas, tha Madhi.

Po ashtu, republikanët janë për lista të hapura. Pra ku deputet do të bëhet ai kandidat që ka marrë më shumë vota dhe jo sipas renditjes së kandidatëve në listën e përcaktuar nga kryetari i partisë.

“Deputeti i zgjedhur me votë të drejtpërdrejtë, kur e ka zgjedhur vetë elektorati ka një përgjegjësi jo vetëm përpara partisë politike që e ka përzgjedhur si kandidat, por përpara edhe votuesve të cilët e kanë votuar atë. Atëhere një mundësi e tillë, do të bënte që të merrte më shumë vlera përfaqësuese parlamenti shqiptar dhe të zhvillohej një debat politik në Parlament, në shërbim të zgjedhësve dhe jo vetëm në shërbim të alternativave politike”, tha Madhi.

Republikanët e përgatitën platformën e tyre për t’ia paraqitur tryezës që u thirr vitin e shkuar. Dështimi i saj, e la këtë platformë në sirtar, deri sa dy partitë e mëdha, të bien më në fund dakort për të thirrur tryezën e ardhshme.

Top Channel