Egjipt, shkarkohen 700 oficerë policie
13/07/2011 19:55
Akuzohet për marrje ryshfeti, ligjvënësi Cuellar: Do vazhdoj fushatën për një mandat tjetër 04/05 22:16
Pothuajse 700 oficerë të vjetër policie në Egjipt po shkarkohen nga detyra lidhur me vrasjen e protestuesve gjatë revolucionit të zhvilluar më herët gjatë vitit.
Ministri i Brendshëm, Mansour Essawy ka deklaruar se 505 gjeneralë dhe 164 oficerë do t’i japin fund shërbimit të tyre më 1 gusht.
Lëvizja vjen ndërkohë që në sheshin Tahrir vazhdojnë protestat që kërkojnë përshpejtimin e proceseve gjyqësore ndaj policëve dhe autoriteteve të korruptuara të epokës Mubarak.
Ndërkohë, ushtria egjiptiane, që ka marrë nën kontroll drejtimin e vendit pas rrëzimit të Mubarak, ka deklaruar se zgjedhjet e planifikuara për në shtator do të shtyhen.
“Është vendosur që ato të mbahen në tetor ose në nëntor”, ka deklaruar një zyrtar nga këshilli udhëheqës ushtarak për agjencinë “Mena”.
Top Channel
