Britani, miratohet mocioni anti-Murdoch
13/07/2011 21:55
Çfarë po ndodh me Andrew Tate dhe të vëllanë, pritet gjykimi në Rumani për trafikim 27/04 00:02
Mocioni kundër Rupert Murdoch, i paraqitur nga lideri i opozitës Ed Miliband në Dhomën e Ulët, është miratuar.
Mocioni i bënte thirrje Murdoch që të tërhiqte ofertën e tij për blerjen e plotë të platformës satelitore BSkyB, “në interes të publikut”, pas skandalit të përgjimeve.
Grupi i Murdoch kishte njoftuar më herët, ende pa u aprovuar mocioni, tërheqjen e tij nga ky projekt, për shkak të klimës së rëndë politike.
Ndërkohë, manjati australian po mendon mes shumë opsioneve mbi tryezë, që të shesë disa gazeta të grupit të tij në Britani, si “Sun”, “Times” dhe “Sunday Times”.
Këtë e bën të ditur “Wall Street Journal”, një nga “fëmijët” e Murdoch në Shtetet e Bashkuara.
Ndërkohë, presidenti i Komisionit të Tregtisë në Senatin amerikan, demokrati Jay Rockfeller ka kërkuar zhvillimin e një hetimi edhe në Amerikë.
Rockfeller dyshon se grupi mediatik i australianit ka përgjuar edhe familjarët e viktimave të 11 shtatorit.
Top Channel
