Hetim për “News of the World”

Gazetaret e tij akuzohen se kane kontrolluar telefonat e disa viktimave të krimit gjatë ketyre viteve te fundit, perfshire ate te 13-vjecares Milli Douler të vrarë në 2002-shin, si dhe afermve te disa prej personave qe humben jeten ne atentatet e 7 Korrikut 2005 në Londër. Ne fjalen e tij perpara parlamentit, kreu i qeverise britanike i cilesoi veprimet e tabloidit te neveritshme. Kameron tha se nevojitet nje hetim i pavarur mbi sjelljen e individëve dhe organizatave të medias, ndersa nuk kurseu kritikat as per policine, qe ka deshtuar sipas tij, ne zbulimin e ketij fakti gjate hetimeve te meparshme.

Se fundi skandali eshte thelluar akoma me shume me nje tjeter raport trondites: Daily Telegraph pretendon se mungesa e skrupujve te drejtuesve te “News of the World” ka shkuar deri aty sa te vihen nen pergjim edhe celularet e familjareve te ushtareve britanike te vrare ne Irak dhe Afganistan. Numrat e tyre u gjeten ne dosjet e hetuesit privat Glenn Mulcaire.

Pronari i gazetes, manjati i medias Rupert Murdoch i hedh poshte akuzat qe i cileson “vertet per te ardhur keq”. E gjithe kjo sipermarrje kishte per qellim pergjimin e telefoneve celulare, per te kuptuar reagimin e familjareve ne momentin qe mesonin lajmin e vdekjes se njerezve te dashur. Gazeta me tirazhin me te madh ne Britani ka nisur ta ndjeje qe tani peshen e opinionit. Tre kompani te medha kane vendosur te mos reklamojne me ne faqet e saj, ndersa shume te tjera po i rishikojne marredheniet me “News of the World”. Presioneve financiare te ketij lloji i shtohen edhe zerat e mijera personave qe permes rrjeteve sociale Twitter dhe Facebook, kane bere thirrje per bojkotimin e tabloidit te se dieles.  

Top Channel