BQE rrit normat e interesit
07/07/2011 16:20
Detaje të reja nga dëshmia e ish botuesit të “National Inquirer” në gjyqin ndaj ish presidentit Trump 24/04 17:36
Banka Qendrore Evropiane ka ngritur normat e interesit në 1.5 për qind nga 1.25 që ishin, në përpjekje për të zbutur inflacionin në 17 vendet anëtare të eurozonës.
Rritja pritej pasi presidenti i BQE-së, Jean Claude Trichet deklaroi muajin e kaluar se një lëvizje e tillë ishte më se e mundshme.
Pavarësisht problemeve me borxhin që kanë disa vende të eurozonës, BQE është e shqetësuar për zhvillimin e shpejtë të disa ekonomive, si ajo e Gjermanisë.
Aktualisht inflacioni në zonën euro është 2.7 për qind, sipër synimit të BQE-së që kërkonte ta mbante nën kuotën 2 për qind.
Muajin e kaluar Trichet tha se BQE do të mbikëqyrë rreptë inflacionin, që në tregjet financiare duket qartë se do të rritet.
Top Channel
