Pasuria e Mubarak, vetëm 700 mijë euro
15/06/2011 16:40
Frikë për sulme terroriste, SHBA apel qytetarëve të saj: Bëni kujdes në Gjermani, shmangni këto zona 05/05 21:02
Pasuria e ish-presidentit egjiptian është në të vërtetë rreth gjashtë milionë lira egjiptiane, ose 700 mijë euro, të depozituara në bankën kombëtare të Egjiptit.
Lajmin e ka bërë të ditur avokati i presidentit të rrëzuar më 11 shkurt, Farid el Dib, në një intervistë për gazetën kuvaitjane “El Sayasa”.
Sipas avokatit, shifrat e publikuara nga mediat e tjera mbi pasurinë e Mubarak, i cili vijon qëndrimin në spital, janë shumë të ekzagjeruara.
Autoritetet egjiptiane, të cilat po hetojnë ish-presidentin dhe familjen e tij, kanë vënë në shenjë sekuestrimin e pasurive të tij.
Duket se deklaratat e avokatit nuk kanë bazë, pasi vetëm para pak kohësh Mubarakut iu bllokuan pasuritë financiare në Zvicër, që shkonin në dhjetra miliona dollarë.
Top Channel
