Siria do të japë llogari përpara anëtarëve të Këshillit të Sigurimit të Kombeve të Bashkuara për fshehjen e një impianti bërthamor në territorin e saj.
Agjencia Ndërkombëtare e Energjisë Atomike, gjeti mbështetjen edhe të vendeve të tjera si Britania, Franca apo Gjermania të cilat dorëzuan një projekt-rezolutë në lidhje me këtë cështje.
Vec kësaj në projekt-rezolutë dënohet edhe dhuna e përdorur nga autoritetet për të shtypur protestat kundër presidentit Basha al Assad.
Në takimin e zhvilluar në Vjenë, nga 35 anëtarë të ANEA-s, 17 votuan pro, 6 kundër, mes të cilëve Rusia dhe Kina, 11 abstenime, ndërsa 1 anëtar nuk ishte i pranishëm.
Impianti bërthamor ndodhej në veri-lindje të Sirisë u bombardua nga Izraeli në shtetor të vitit 2007. ANEA nisi të hetojë pas kësaj ngjarje por autoritetet siriane refuzuan të bashkëpunojnë dhe lejuan vetëm një vizitë të inspektorëve të OKB-së.
Top Channel