Libia, hyn në fuqi fondi për rebelët
09/06/2011 21:20
Burg për djalin e Princeshës së Kurorës së Norvegjisë, shpallet fajtor për dy raste përdhunimi 15/06 09:20
Skema e ngjyrave
Madhësia e shkrimit
Fondi ndërkombëtar për ndihmat financiare për rebelët libianë është operativ që prej ditës së sotme.
Deklarata është bërë nga nënkryetari i Këshillit Kombëtar të Tranzicionit, Abdel Hafidh Ghoga nga Abu Dhabi, ku u mblodhën anëtarët e grupit të kontaktit për Libinë.
Fondit ka qenë pikërisht thelbi i samitit. “Kemi nevojë për të paktën 3 miliardë dollarë për katër muajt e ardhshëm”, tha ish-ministri i Jashtëm që ka kaluar në radhët e rebelëve, Abdel Rahman Shalgam.
Ndërkohë, si kundërsulm, regjimi i kolonelit Muammar Gaddafi ka kërcënuar se do të mbështesë lëvizjet separatiste evropiane.
Ministri i Jashtëm i Libisë ka deklaruar se Tripoli do të vendosë kontakte me separatistët e fraksioneve CEUTA dhe MELILLA, si dhe me baskët në Spanjë.
“Libia do të mbështesë pavarësinë e Skocisë nga Mbretëria e Bashkuar dhe të ishujve të Lampeduzës dhe Pantelerisë, derisa t’i kthehen atdheut mëmë, Tunizisë”, ka deklaruar ministri.
Top Channel
