Komisioni Evropian ka propozuar një paketë prej 150 milionë eurosh për të ndihmuar fermerët që humbën prodhimet e tyre për shkak të bakterit E.Coli.
Prodhuesit e perimeve kanë konstatuar rënien e shitjeve të tyre menjëherë pas shpërthimit të epidemisë, që ka shkaktuar vdekjen e 22 personave dhe infektimin e 2400 të tjerëve.
Ministrat e Agrikulturës të vendeve anëtare të Bashkimit Evropian po vazhdojnë bisedimet në Luksemburg.
Komisioneri i BE për Shëndetësinë, John Dalli deklaroi se përhapja e bakterit-vrasës është e kufizuar në veri të Gjermanisë dhe se nuk ka nevojë për zgjerimin e kontrolleve në Evropë.
Dalli shprehu gjithashtu qëndrimin e tij kundër përhapjes së informacioneve të pakonfirmuara, që sipas tij kanë sjellë frikë tek fermerët dhe konsumatorët.
Top Channel
