Libi, bombardohen selitë qeveritare
06/06/2011 21:10
Gjyqi ndaj ish-presidentit Trump, një person në SHBA i vë flakën ndërtesës ku u mbajt seanca gjyqësore! 17 persona të lënduar 19/04 20:08
NATO ka bombarduar sot selinë qendrore të shërbimeve sekrete të kolonelit Muammar Gaddafi në Tripoli.
Lajmin e bën të ditur Aleanca përmes një komunikate për shtyp, në të cilën thuhet se sulmi ka qenë i koordinuar me saktësi të lartë.
“Sulmi është kryer në kuadër të fushatës për dobësimin e kapaciteteve të regjimit të Gaddafi-t, me qëllim që të mos kryejë më krime kundër popullit”, thuhet në komunikatë.
Ndërkohë, më herët gjatë ditës së sotme, NATO shkatërroi ndërtesën e Parlamentit të Libisë, po në Tripoli. Ndërtesa ishte dëmtuar nga një sulm tjetër ajror i kryer rreth tre javë më parë.
Në të njëjtin kompleks ndodhet zyra e prokurorit të përgjithshëm dhe dy ndërtesa që përdoren nga dy OJQ që kujdesen për fëmijët.
Ndërtesat e goditura sot, mes të cilave edhe selitë e radios dhe televizionit shtetëror, ndodhen rreth 2 kilometra nga sheshi Jeshil, në qendër të kryeqytetit.
Top Channel
