Rusia, në kontakt me stafin e Gaddafi-t
27/05/2011 16:30
Rusia ka vendosur kontakte me anëtarë të stafit të kolonelit Muammar Gaddafi, në Libi, me të cilët mund të negociojë dorëzimin e tij.
Lajmin e ka bërë të ditur sot përfaqësuesi i posacëm i Moskës për Afrikën, Mikhail Margelov.
“Nuk do të flasim me Gaddafi-n, por me anëtarët e stafit të tij, në vecanti me djemtë e tij”, ka deklaruar Margelov.
“Po vendosim kontaktet dhe për rrjedhojë ka shpresë për një zgjidhje politike të situatës”, ka shtuar diplomati rus nga Franca, ku po zhvillohet samiti i G8-ës.
Së fundmi edhe vetë koloneli ka dërguar ndërmjetësit e tij në disa vende të Evropës, veprim që nënkupton se mund të jetë duke planifikuar tërheqjen e tij.
Top Channel