Shtetet e Bashkuara kanë urdhëruar të gjithë personelin jo të domosdoshëm të ambasadës amerikane në Jemen, që të lënë vendin bashkë me familjet e tyre për shkak të përshkallëzimit të dhunës.
Autoritetet lokale njoftojnë se 72 persona kanë mbetur të vrarë në tre ditë përleshje mes luftëtarëve tribalë dhe trupave qeveritare.
Presidenti i vendit, Ali Abdullah Saleh ka deklaruar sërish se nuk do të tërhiqet nga posti i tij, pavarësisht rritjes së përmasave të protestave.
Gjithashtu, ai ka refuzuar të nënshkruajë një marrëveshje tranzicioni që parashikonte dorëheqjen e tij në favor të një qeverie uniteti.
Shtetet e Bashkuara kanë përsëritur apelin e tyre që Saleh të tërhiqet, duke u bërë njëkohësisht thirrje të dyja palëve për një armëpushim.
Top Channel