Iran, shpërthim në impiantin e ri të naftës
24/05/2011 08:50
Kryente marrëdhënie në sallën e operacionit ndërsa pacientët prisnin jashtë, mjeku përballet me fundin e karrierës 27/04 20:53
Një person është vrarë dhe të paktën 20 të tjerë janë plagosur nga një shpërthim në një rafineri nafte të Iranit, gjatë vizitës së presidentit Mahmud Ahmadinejad.
Lajmin e bëjnë të ditur mediat iraniane, sipas të cilave Ahmadinejad nuk u prek nga shpërthimi dhe vijoi me një deklaratë televizive për të shënuar hapjen e rafinerisë, në qytetin e Abadanit.
Sipas agjencisë së lajmeve “FARS”, shpërthimi u shkaktua nga një problem teknik, që më pas solli edhe zjarrin.
Nga rafineria u ngrit një tym i dendur, por zjarri u vu nën kontroll. Një agjenci tjetër thotë se shpërthimi u shkaktua nga një rrjedhje gazi.
Rafineria po lancohet në dy faza dhe së fundmi ajo do të prodhojë mbi 6 milionë litra naftë në ditë, shumica e të cilës për konsum të brendshëm.
Top Channel
